You are using an outdated browser. Please upgrade your browser to improve your experience.
ზევით

29 დეკემბერს ევროპის საინვესტიციო ბანკმა (EIB, ევროკავშირის ბანკი) საქართველოს ბანკთან 50 მილიონი ევროს ოდენობის სესხის ხელშეკრულებაზე ხელმოწერის შესახებ განაცხადა. თანხა მცირე და საშუალო საწარმოებისა და საშუალო კაპიტალიზაციის მქონე კომპანიების მხარდაჭერას მოხმარდება.

ხელშეკრულების თანახმად, EIB და საქართველოს ბანკი სესხის სულ მცირე 30%-ს მწვანე ინვესტიციებისთვის გასცემენ. ეს EIB-ის მიერ საქართველოს ბანკის შუამავლობით გამოყოფილი პირველი სესხია, რომელიც ამ სფეროს მოხმარდება. 

სესხს, რომელსაც EIB-ის ევროკავშირის მიღმა მოქმედი განყოფილება, EIB Global გამოყოფს, 120 მილიონი ევროს ოდენობის EIB-ის სესხის პროგრამის პირველი ტრანშია. ის, სავარაუდოდ, 160-ზე მეტ კომპანიას მოუტანს სარგებელს და 14,000-ზე მეტ სამუშაო ადგილს უზრუნველყოფს. საქართველოს ბანკი საკუთარი რესურსებიდანაც გამოყოფს იმავე მოცულობის სესხს, რითაც EIB-ის მხარდაჭერას გააორმაგებს.

სესხის მიზანია, გააუმჯობესოს ფინანსებზე ხელმისაწვდომობა მიმზიდველი პირობების მქონე გრძელვადიანი დაფინანსების ხარჯზე. კერძოდ, სესხი ხელმისაწვდომი იქნება ადგილობრივ ვალუტაშიც, რაც ბიზნესებს გაცვლითი კურსის მერყეობასთან დაკავშირებულ რისკებს აარიდებს.

უახლესი ამბები
ge
18.03.2024
ევროკავშირი აქტიურად უჭერს მხარს ახალი ბიზნესის განვითარებას — განსაკუთრებით ქალთა ბიზნესისას და განსაკუთრებით საქართველოს სასოფლო და ყურადღებამოკლებულ დასახლებებში. ამიტომ არ იფიქროთ, თითქოს აუცილებელია, თბილისში ცხოვრობდეთ, გქონდეთ უმაღლესი განათლება ან მოქმედი ბიზნესი იმისათვის, რომ ევროკავშირისგან დახმარება მიიღოთ — პირიქით!
ge
05.02.2024
ევროკავშირმა და საქართველომ ევროკავშირის მიერ დაფინანსებული დაძმობილების პროექტი, „საქართველოს ბაზარზე ზედამხედველობის სააგენტოს შესაძლებლობების გაძლიერება“, დაიწყეს.
ge
01.02.2024
ევროპის საინვესტიციო ბანკმა (EIB) თიბისის ბანკთან ევროკავშირის მიერ მხარდაჭერილ საგარანტიო ხელშეკრულებას მოაწერა ხელი, რაც ადგილობრივი კერძო სექტორის მიმზიდველი პირობებით დაფინანსებას შეუწყობს ხელს.

ქუქი-ფაილები
ეს საიტი იყენებს Cookie-ფაილებს, რომ თქვენ შეძლოთ საიტის უკეთესად დათვალიერება. შეიტყვეთ მეტი
უარი Cookie-ფაილებზე
თანხმობა Cookie-ფაილებზე