You are using an outdated browser. Please upgrade your browser to improve your experience.
ზევით

ევროპის კომისიამ გახსნა ახალი საიტი - EU4Business, სადაც მოცემულია დეტალური ინფორმაცია ევროკავშირის მიერ სომხეთის, აზერბაიჯანის, ბელარუსის, საქართველოს, მოლდოვასა და უკრაინის მცირე და საშუალო საწარმოების მხარდაჭერის შესახებ.

მთავარი საიტი მოქმედებს როგორც „ერთი ფანჯარა“ ინიციატივის ყველა პარტნიორისა და მონაწილისთვის. მასში წარმოდგენილია მცირე და საშუალო ბიზნესის მხარდაჭერის შედეგები  თითოეულ ქვეყანაში, დეტალური სტატისტიკა , რომელიც დაყოფილია სფეროების და ინსტრუმენტების მიხედვით, პროექტების პორტფელი , წარმატების ისტორიები , სტრუქტურირებული ქვეყნის და დახმარების ტიპის მიხედვით. საერთო საიტზე შეგიძლიათ ნახოთ, თითოეულ ქვეყანაში რომელი ინსტრუმენტები მუშაობს და შედეგებიც შეადაროთ.

EU4Business-მა ასევე წარმოადგინა თითოეული ქვეყნისთვის განკუთვნილი საიტები, რომლებიც ორიენტირებულია მეწარმეებზე (სომხეთი, აზერბაიჯანი , ბელარუსი , საქართველო , მოლდოვა , უკრაინა). როგორ მივიღოთ კრედიტი ან გრანტი ბიზნესის განვითარებისათვის, და რომელ ბანკში უფრო მარტივი პროცედურებია? ვის მივმართოთ კონსულტაციისთვის ექსპორტირების დასაწყებად? როგორ მივიღოთ მონაწილეობა საერთაშორისო გამოფენაში ან საგანმანათლებლო სემინარში ახალი კლიენტების და პარტნიორების მოსაზიდად? თითოეულ ადგილობრივ საიტზე მეწარმეებს რამდენიმე წუთში შეუძლიათ გაიგონ, როგორ დაეხმარება ევროკავშირი მათ ბიზნესს - ნაცვლად იმისა, რომ ნაწილ-ნაწილ მოიძიონ ინფორმაცია სხვადასხვა რესურსებიდან. ასევე შეგიძლიათ აიმაღლოთ მოტივაცია იმ საწარმოების პოზიტიური გამოცდილების მაგალითზე, რომლებიც უკვე თანამშრომლობენ ევროკავშირთან, თვალყური ადევნოთ მნიშვნელოვან მოვლენებს და ნახოთ რა კეთდება ქვეყანაში ბიზნესის განვითარებისთვის.

 ჩვენ მხარს ვუჭერთ ინფორმაციულად განსხვავებულ აუდიტორიას - მეწარმეებს, დონორებს, რომლებთანაც ვთანამშრომლობთ, ბიზნესის მხარდამჭერ ორგანიზაციებს. ყველა მათგანს  სხვადასხვა სახის ინფორმაცია აინტერესებს: მეწარმისთვის ბევრად უფრო მნიშვნელოვანია იცოდეს, ვის უნდა მიმართოს კრედიტის მისაღებად, ვიდრე რა კავშირია გაცემულ სესხებსა და სამუშაო ადგილების ზრდას შორის მთელს რეგიონში. თუმცა, ასეთი ციფრები მნიშვნელოვანია, მაგალითად, ევროკავშირის პარტნიორებისა და ფინანსური ორგანიზაციებისთვის”, - განმარტავს მარკ ჰელერი, EU4Business-ის პროექტის ხელმძღვანელი. მისივე თქმით, საიტები გაიყო, რათა მაქსიმალურად სასარგებლო ყოფილიყო თითოეული დაინტერესებული ჯგუფისთვის. ახლა ისინი უფრო მკაფიოდ ასახავენ, თუ რა პოტენციალი აქვს ევროკავშირის მხარდაჭერას ქვეყანაში და მეწარმეებს შეუძლიათ სრულად ისარგებლონ ამ ინფორმაციით. 

EU4Business-ის ბოლო წლიური ანგარიშის თანახმად , 2019 წელს პროგრამა 78 000-ზე მეტ კომპანიას დაეხმარა სომხეთში, აზერბაიჯანში, ბელარუსში, საქართველოში, მოლდოვასა და უკრაინაში.

უახლესი ამბები
am az by ge md ua
17.10.2022
ევროპის რეკონსტრუქციისა და განვითარების ბანკი (EBRD) და ევროკავშირი აღმოსავლეთ ევროპაში, კავკასიაში და ხმელთაშუა ზღვის სამხრეთ და აღმოსავლეთ რეგიონებში სათანადო პირობების არმქონე მიკრო, მცირე და საშუალო საწარმოების მხარდაჭერას აძლიერებენ. სამიზნე ქვეყნებს შორის არიან აზერბაიჯანი, მოლდოვა, საქართველო, სომხეთი და უკრაინა.
ge
30.09.2022
EU4Business–მა გამოაქვეყნა საქართველოს Citizens’ Summary 2022, რომელიც თითოეული ქვეყნის მიერ გასულ წელს მიღწეულ ძირითად შედეგებს მიმოიხილავს.
ge
15.09.2022
ევროპის რეკონსტრუქციისა და განვითარების ბანკის (EBRD) პრეზიდენტმა, ოდილ რენო-ბასომ საქართველოში ვიზიტისას ორ ქართულ ბანკთან ადგილობრივი მცირე ბიზნესისთვის სესხების გაცემის თაობაზე ხელშეკრულებებს მოაწერა ხელი.

ქუქი-ფაილები
ეს საიტი იყენებს Cookie-ფაილებს, რომ თქვენ შეძლოთ საიტის უკეთესად დათვალიერება. შეიტყვეთ მეტი
უარი Cookie-ფაილებზე
თანხმობა Cookie-ფაილებზე