ჩვენ აქტიურად ვაშუქებთ ჩვენს საქმიანობას და ვუზიარებთ ბიზნესს სასარგებლო რჩევებს

საქართველოს დამსაქმებელთა ასოციაცია დაარსდა 2000 წელს. ასოციაცია არის დამოუკიდებელი, წევრობაზე დაფუძნებული ორგანიზაცია, რომელიც მუშაობს დამსაქმებლების (მეწარმეები) და საერთაშორისო შრომითი ორგანიზაციების მოთხოვნების, სტანდარტებისა და კონვენციების შესაბამისად. მისი მიზანია წარმოადგინოს თავისი წევრები, როგორც ეკონომიკის სხვადასხვა სექტორში მომუშავე მსხვილი, საშუალო და მცირე კომპანიები, გამოვიდეს მათი სახელით და ხელი შეუწყოს მეწარმეობას ქვეყანაში მეტი სტაბილურობის, სოციალურ-ეკონომიკური განვითარების, ახალი სამუშაო ადგილების და შრომის ღირსეული პირობების მიღწევის მიზნით.

საქართველოს ფერმერთა ასოციაცია (GFA), რომელიც დაარსდა 2012 წელს, არის ქოლგა ორგანიზაცია და აერთიანებს 5000-ზე მეტ ფერმერს. ასოციაციის მისიაა გააძლიეროს საქართველოში სოფლის მეურნეობის სექტორი და გააუმჯობესოს ქართველი ფერმერების ცხოვრების ხარისხი მათი გაერთიანებისა და ხილვადობის გაუმჯობესების გზით. GFA-ს ძირითადი საქმიანობა ემყარება ფერმერების მხარდაჭერასა და ადვოკატირებას, მათი შესაძლებლობებისა და კავშირების გაძლიერებასა და სოფლის მეურნეობის სექტორების გაძლიერებას საუკეთესო სასოფლო-სამეურნეო პრაქტიკისა და გამოცდილების მიწოდების გზით.