You are using an outdated browser. Please upgrade your browser to improve your experience.
ზევით

ტურისტების სწრაფვა მოგზაურობისადმი არის ტურიზმის მამოძრავებელი ძალა ნებისმიერ ქვეყანაში. თუმცა, ამ მხრივ, განსაკუთრებით აღსანიშნავია უძველესი კულტურული და ისტორიული მემკვიდრეობის მქონე თვალწარმტაცი ქვეყანა, საქართველო, სადაც ტურისტული ნაკადის განსაკუთრებული ზრდა აღინიშნა.

ბოლო ათწლეულის მანძილზე საქართველომ, რომელიც მდებარეობს ევროპისა და აზიის გასაყარზე, სტრატეგიულ ადგილას, ტურიზმის სფეროში სწრაფი ზრდა განიცადა. მზარდი მოთხოვნის დაკმაყოფილების მიზნით, მთავრობამ დაამტკიცა ამბიციური გეგმა, რომელიც 2025 წლამდე 11 მილიონი ტურისტის მასპინძლობას ითვალისწინებს, ხოლო ყოველწლიური შემოსავლების რაოდენობამ 6 მილიარდ აშშ დოლარს უნდა გადააჭარბოს. აღნიშნულს ცალსახად დადებითი გავლენა ექნება ეკონომიკაზე, დასაქმებაზე და ბიზნესის შემოსავალზე, თუმცა, გასათვალისწინებელია მოგზაურობის შედეგად წარმოქმნილი ნახშირბადის ნაკვალევიც.

სწორედ ამან შთააგონა გერმანე ჭელიძე, ტურისტული კომპანიის შპს SEA-ს მფლობელი, განეხორციელებინა ცვლილებები. „ჩვენი კომპანია წარმატებით საქმიანობდა, თუმცა, ვიცოდით, რომ საჭირო იყო, გვეზრუნა მდგრადობაზე. ჩვენ გვსურდა, შეგვეძინა თანამედროვე ტურისტული ავტობუსები, რომლებიც ნაკლებ საწვავს მოიხმარს. თუმცა, საამისოდ საჭირო კაპიტალი არ გვქონდა. სწორედ ამიტომ, ჩვენ დავუკავშირდით საქართველოს ბანკს, რადგან ცნობილია, რომ ისინი ქვეყანაში მწვანე დაფინანსებას უზრუნველყოფენ.“

საქართველოს ბანკი Green for Growth Fund-ის (GGF) გრძელვადიანი პარტნიორია, რომელიც აქტიურად უჭერს მხარს მწვანე დაფინანსებას და ეკოლოგიურად სუფთა ეკონომიკურ ზრდას. GGF-ის დაფინანსების ხელშეწყობით, საქართველოს ბანკმა გერმანე ჭელიძე უზრუნველყო 130,000 ევროს ოდენობის სესხით, თანამედროვე, ორსართულიანი ტურისტული ავტობუსების შესაძენად.

„ახალი ავტობუსებით, ჩვენ მნიშვნელოვნად შევამცირეთ ენერგიის მოხმარება,“ ამაყად აცხადებს გერმანე ჭელიძე. ინვესტიციის წყალობით, ბიზნესი არა მხოლოდ თანხებს ზოგავს, არამედ დადებით გავლენას ახდენს გარემოზე. კომპანია ზოგავს საათში 30 მეგავატზე მეტ ენერგიას, ხოლო CO2-ის გამოყოფას ამცირებს წელიწადში 20 ტონით.

ტურისტებიც, თავის მხრივ, სულ უფრო და უფრო მეტ ყურადღებას ამახვილებენ ინდუსტრიის მდგრადობაზე. შესაბამისად, თანამედროვე ავტობუსებზე გადასვლა დროული იყო. მსოფლიოში, სადაც ადამიანებისათვის სულ უფრო ცხადი ხდება კლიმატის ცვლილების შედეგები, საჭიროა, რომ ყველა ძალისხმევა იყოს უფრო მეტად ენერგოეფექტური - ჭელიძის ტურისტული ავტობუსები კი მწვანე მიმართულებით გადადგმული ნაბიჯია.

„მიუხედავად იმისა, რომ COVID-19-ით გამოწვეული კრიზისის პირობებში ჩვენ ვერ ვმუშაობთ, კვლავ ოპტიმისტურად ვართ განწობილები საქართველოში ტურიზმის მომავლის მიმართ და მზად ვართ, ქვეყანაში დაბრუნებულ ტურისტებს კვლავ მივეგებოთ და ვაჩვენოთ საქართველოში არსებული საუცხოო ადგილები,“ ამბობს გერმანე ჭელიძე და იღიმის.

GFF თანამშრომლობს პარტნიორებთან, ბიზნესების მწვანე დაფინანსების კუთხით და ერთგულია თავისი მისიისადმი, რომელიც კლიმატის ცვლილების უარყოფითი შედეგების შერბილებას და, ამავდროულად, რეგიონში ეკონომიკური ზრდის ხელშეწყობას გულისხმობს.

წარმატების ახალი ისტორიები
ge
03.12.2022
ეკა ბოქოლიშვილისთვის ყველაფერი აღმოსავლეთ საქართველოს სოფელ საქობოში, მის სამზარეულოში დაიწყო. მაშინ თათარას მხოლოდ ერთ ქვაბში ხარშავდა, მაგრამ იცოდა, რომ ქართული ნუგბარის მსოფლიოსთვის გაცნობის სურვილი შორს წაიყვანდა.
ge
10.11.2022
კიკეთში, დედაქალაქიდან სულ რაღაც 30 კილომეტრში, სამღებრო სახლი მდებარეობს. კარგად განათებულ თანამედროვე კოტეჯში ხის კედლები ქსოვილის ფერადი ნიმუშებითაა დაფარული. აქ უამრავ ფერს შეხვდებით - მუქი იასამნისფრით დაწყებული, თბილი ნარინჯისფრითა და ღია ვარდისფრით დამთავრებული.
ge
27.10.2022
თექვსმეტი წლის წინ ირაკლი სირაძემ და მისმა მეუღლემ მაია ბერიძემ ცხოვრების თავიდან დაწყება და ბიზნესის გახსნა გადაწყვიტეს. სამწლიანი შრომის შედეგად გურიის ქალაქ ოზურგეთში 4500 კვ.მ ფართობის შენობა ააშენეს და ფართი ადგილობრივ ფერმერთა ბაზარს მიაქირავეს.

ქუქი-ფაილები
ეს საიტი იყენებს Cookie-ფაილებს, რომ თქვენ შეძლოთ საიტის უკეთესად დათვალიერება. შეიტყვეთ მეტი
უარი Cookie-ფაილებზე
თანხმობა Cookie-ფაილებზე